loading ... ... ... 99%

尋日 (30/Jan) 同兄弟姊妹開o左終極會議~ 分o左工, 解決了好多細緻問題, 相信大家對整體流程要點等都有深入o既了解!!! 正~
而家o既情況係 ... 99% (不過, 小弟開始有少少Hang機o既情況出現, 都唔明點解攪極都好似未攪掂晒~ 總有D o野係Outstanding!!!)
--- Felix

花球新作

今日余生finish jor 兩個新的花球~ 俾大家欣賞下~

左面係我鐘意既綉球花花, 右面係余生技癢要買返屋企整既花花~~勁呀!!
Fiona

Christmas Eve dinner

一如以往, 我地係唔鍾意係o的大節日使錢, 但又想搞特別野wor, 所以余生提議係屋企整聖誕大餐! 哈~ 梗係唔係我整啦, 係余生負責! 整o的咩? 煎牛扒同埋焗螺絲粉! 而我最主要既工作就係打氣....同埋食! 哈哈~~

就係咁, 浪漫既聖誕大餐就完成了! cost : 兩人$50 都唔使~~合乎經濟原則呀~

Fiona

同事的禮物~電子相架

今日係本年最後一日返工, 因為之後我就放婚假了。遇o岩Christmas Party, 大食會之後, 本來打算趁機派埋invitation card, 點知俾佢地搶先一步, 原來佢地prepare o左一份禮物俾我-電子相架! Erin 仲將我o的相一早save 晒入去, 可以即刻播到!! 再正o的係, 連我放上blog 既台灣相簿大合照都save 埋, 勁有heart ar!!!! thank you Erin, thank you all!! 差o的唔記得, 仲有一張自製既卡, 好靚呀, 大家每一句既說話我都會記得, 多謝大家份禮物呀!!

再次技癢既余生一知呢個電子相架除o左可以播相, 仲可以播video, 同埋入歌歌, 即刻又用佢既3D album extract o左個mpeg o黎玩~ 依家個電子相架可以播短片啦!! 正~~
Fiona

好緊張~

呢幾日真係好緊張 ... 好多o野都好緊迫喇!!! 希望呢個聖誕節假, 可以完成95% o既o野啦~~~
呢個星期我要完成個DIY花球!!!
--- Felix

共同興趣?

尋晚求婚一週年, 我o地去o左TST食德國菜, 因為Fiona去過兩次德國, 竟然係未食過德國菜lor~
傾傾下, 先發現原來我o地係冇共同興趣 ... e.g.
- 我好動, 鍾意踢波打Wargame, 佢好動, 鍾意打Volly, 壁球
- 我鍾意打機, 佢好少打
- 我鍾意食零食, 佢又唔食
- 佢鍾意Shopping, 我又唔好~
不過, 今日我有新發現, 雖然冇咩共同興趣, 不過反而又好Matching wor:
- 我鍾意踢波, 佢鍾意睇我踢波
- 我鍾意打機, 佢睇打機好似o係度睇電影咁lor
- 我鍾意食, 佢鍾意俾我係咁食食食~
- 最緊要係, 佢鍾意Shopping, 而我又鍾意俾$ ... 哈哈!!! Perfect Match呀~~~
--- Felix

一週年紀念日

眨下眼咁就一年了... 回想一年前我仲係矇下矇下俾人呃話夜晚睇燈飾, 出尖咀要著得靚o的...去海港城交o左兩張功課就帶o左上Felix 食飯... 係我完全唔知發生咩事既情況下求婚...點解我可以咁蠢既...?
一年之後既今日, 最主要既變化好明顯係余先生肥o左好多, 而我就越o黎越懶...雖然我懶o左, 但好彩仲有余先生做cover, 因為我有一個鍾意搞function 既老公ma~
原來, 仲有18日我就做余太啦!!
Fiona

小印刷品完成

尋日已經收到兩樣印刷品:
1. 斯仁婚禮門票
2. 斯仁日曆卡
效果係 ... 專業的!!! 呵呵 (自己讚自己~)
藉住呢個聖誕節, 會慢慢派發俾大家o架喇~
--- Felix

姊妹團loading...

其實我都好似未講過姊妹團依家搞緊咩tim...
早在1個月前佢地已經開始搵design 做衫, 今個星期有衫拎la!! 成班姊妹將會同一個tone 咁出現係女家~
games 係兩個星期前的一次食飯gathering 差不多finalized, 依家係到安排物資同埋想緊possibility 同氣氛, 總之兄弟團要俾面俾面啦!
Fiona

斯仁系列

到而家為止, 斯仁出品系列包括:
- 斯仁婚禮 @ 斯仁影院 [event]
- 斯仁婚宴 [event]
- 斯仁組織 (兄弟姊妹團) [group]
- 斯仁日曆卡 [product]
- 斯仁Wallpaper [shareware]
- 斯仁空間 [blog]
- 斯仁相簿 [album]
- 斯仁資訊 [webpage]
遲D大家就會見到晒o架喇~~~ 興奮!!!
--- Felix

兄弟團服飾

等我都唔拾輸, Update下兄弟團的情況先~
上星期五, 兄弟團已經出去整o左衫, 星期六我再北上攪埋D配件~ 兄弟團著咩? 到時你咪知lor~ 呵呵!!!
--- Felix

過大禮!!

差o的唔記得, 今日既重頭節目就係....過大禮! 因為我地唔係好想搞咁多tradition 既野, 以實用為原則下, 簡簡單單咁安排o左少少野, 當係俾屋企人既小小心意。
我 地都唔係安排o左好多野, 之前係奇華到拎o左過大禮既盒, 買多兩個錦盒(因為覺得靚), 返土瓜灣買o左雙數既水果(有蘋果, 柚子, 提子等等...), 加埋o的唐餅券, 西餅卷(等我媽可以幾時想食就幾時換ma!), 仲有台灣既兩本娘家本相簿, 對聯, of course 仲有禮金啦, 放晒係車尾箱, 等7點過大禮。呢個時間係余先生擇架!我都唔記得睇時辰~~ 勁~~

7點鐘一到, 因為好多野既關係, 搵埋我細佬落去幫手拎。熱熱鬧鬧o左一輪, 咁就搞掂啦!!

咁又完成一個task!!
Fiona

花墟一日遊

今日晏就本來打算去行下花墟睇下有冇o的裝飾野買, 點知技癢既余生見到o的一束束既絲花, 又好想自制wor, 咁就買o左o的材料返屋企。唔知可唔可以趕得切1月6號用呢??好期待~
Fiona

手花襟花ready!

差o的唔記得, 今日放工係有mission 的, 就係出旺角拎手花同襟花。
最後我揀o左紫色俾兄弟姊妹~ 紅色俾爸爸媽媽們~keke~

Fiona

法拉莉的相收到了!!!

哈哈~~!!! 等o左好耐既台灣戰利品終於到啦 !!!!
原來個油畫真係好大! 我急不及待要拎出相機影低開封呢一下~ 好興奮呀!!

總結o黎講, 依家收到 :
18"大相本2本
12"娘家本2本
30"油畫一大張 (真係好大...)
簽名綢 1 張
謝卡 x 500張
親友卡 x 50張
掌中本 x 1本
10" 相架 (不過運送途中爛了...睇下Kenny 可以點搞先)
CD 1只

依家既我非常滿足!!!!
Fiona

電子磅

Facebook真係唔錯, 有個幾好o既Application - Weight Tracker, 可以填上你o既Target Weight@某一日 ... 大家睇下, 藍線係Target, 紅線係Record~

有咩發現? 大lor:
1. 我一直都可以做到比自己的目標更高!
2. 自從十月去台灣影完相, 體重有繼續上升o既現象!
3. 電子磅可以有問題!!!
4. 自從我Facebook裝o左呢個Application, 個Profile真係幾多人睇, 身邊o既朋友, 同事好似睇股市咁~
Well~ 我真係勁!!!
--- Felix

Loading ... ... ... ... ... 60%

嘩~ 仲有三個星期!!!
o岩o岩落o左單整Invitation Card, 今個星期日過大禮, 細佬攪緊Banner, John C攪緊Poster, 文盲攪緊兄弟衫, 水母班緊布, 姊妹團諗緊計玩我, 諗緊佈置, 訂o左Refreshment, 聖誕假細細佬攪片 ... hm~ 而家都應該有60%完成度掛?!
大家要繼續加油呀~~~
--- Felix

驗身報告出了

我呢期真係好鍾意玩即興, 早兩個星期book o左去驗身, 今日出o左報告啦。
余先生竟然仲健康過我, 一切正常! 反而我白血球高o左少少... 不過整體來說都好好，可以生BB 啦!! 哈哈!!
原來我係A+ 血型, 咁余生係AB+。我即刻係到諗我地生出o黎既B 係咩野血型呢? 好彩我仲記得小小recessive dominant... 如果我冇記錯，應該係咁計 :
A : AA or OA
AB : AB
生出o黎既B 會係 : OA, OB, AA or AB... 下... 即可能係A, B, AB 型血都係我個仔?
咁多combination 既...
Fiona

台灣婚照已上載

早幾日收到Kenny email, 我地既台灣婚照已經放o左上法拉莉啦!!
依家仲好似會將o的相簿早幾天寄俾我地, 唔知幾時會收到呢? 好緊張呀!!
Fiona

FF Wallpaper

繼FF Logo之後, 我o地更推出FF Wallpaper~
因為有關版權問題需諮詢法律顧問, 所以唔Post得上o黎俾大家睇住~ 日後大家就會見到o架喇!!!
---
另外, 尋日返o左中大校友日, 順便去o左UC度度多幾個Dimension ... hm~ 要好好準備準備喇!!!
--- Felix

夢中的婚禮

今日發夢~ 夢中的婚禮:
今日係12月7.5號 (訓緊, 唔係7號就係8號o架喇!), 仲有好多o野Outstanding, 不過, 一轉眼, 就已經係1月6號 (註冊日) ... 甘~ 咩都未攪好, 手上只有少少Decoration o野, 衫到o左手 (著埋上身) ...
本 來計畫o既o野, 得30%左右出到街~ 甘! ... 更甘o既係, 到15:30, 仲未見到律師出現, 咩事呢? 攪o左一輪, 再打去俾佢, Voice Mail, 講佢今日病了, 出席唔到~~~ o下?!?!?! 呢一刻, 都唔知點算?! ... 跟住落去都係D喊呀, 慌張呀咁啦~
唉~ 或者我真係俾太大壓力自己喇! 甘~
--- Felix

斯仁Logo

水母伴郎的好提議, 參考Fendi Logo~ 整返個FF做影院Logo~

原圖 斯仁Logo

--- Felix

仲有一個月

快快快~ 好多o野都未攪晒~
時間冇多, 要加把勁喇!!!
--- Felix

電腦技術真係癲~

而家電腦技術真係癲~ 你諗到o既, 你諗唔到o既, 都一一可以做到!
1. Farrari執相: 勁! 我個大肚脯唔見o左~
2. 3D Album: http://picasaweb.google.com.hk/fiona.felix/Exhibit/photo#5138502277997024562
勁~~~
--- Felix

火百合之四 - 守得雲開見月明

名百合之前應承o左11月20日有相拎, 所以我地決定星期六放工後再上大陸。上去之前心情都好複雜...唔知今次又搞成點呢...? 貨都ready 了, 應不會有什麼問題吧... anyway, 戰戰兢兢咁上去...
去名百合之前, 先去笋崗打個轉, 本來打算買結婚公仔, 但行到去...又好像不太好... 再考慮多一回兒吧... 買了小小的decoration 東西, 明天開會可跟兄弟姊妹分享下。
我地夜晚7點先去到名百合, 先俾個相架我地睇, 好靚~~之後再俾本相簿我地睇...一打開, okay wor! 我要o的次序又o岩, delete 既表已經唔見o左! 花o左我地咁多時間, 總算有本好好睇睇既相簿...好感動呀!!

四款造型照

Felix的鬼仔造型 我最鍾意o既中式

依家有2張大相...唔知整唔整畫框好...唔整就咁卷住佢又唔知點咁, 整o左又好似變多件"雞肋"... 點算呢???

兄弟搶閘成功

小肥 (中學同學) 遲過我決定結婚, 遲過我準備婚禮 ... 但成功搶閘, 今日 (23/Nov) 跑出結婚喇!!! 我 ... 幫佢手, 同埋做MC仔啦!!!

Winnie ... 車, 唔只小肥啦~ 我咪一樣識o左佢10幾年!!! 哈哈~ 時間真係過得好快好快~ 當年大家仲係攪緊Red Cross Function, 轉下眼, 大家已經開始成家立室喇~

今晚見到Winnie好似開o左水喉咁, 全日又喊又笑~ 上台講o野又係咁喊, 好多感人位真係睇到我都眼濕濕呀~ 真係好開心! 衷心祝福Winnie同埋Anthony!!!
第一次跟足全日參與晒成個婚禮~ 當中有好多可取 (可抄) o既地方, 亦有D注意事項, 真係對我o地攪婚禮好有幫助!!!
--- Felix

Blog of the Day

都 唔知點解? 上o左Esdlife o既Blog of the Day! 雖然都相信網主都只係隨便Upload上去, 不過對我o地o黎講就好Surprise! 突然間想起"衰鬼上帝II" o既尾場一句: ARK ... Any Random Kindness
網主o既一個Random Kindess, 對我o地o黎講真係完全係想像唔到咁開心~
--- Felix

服務 & 態度

Well~ 果然係唔同, 身為UC人, 可以此為恥~
同一日, 我o岩由德國返o黎, 訓o左成日, 起身之後再做o既o野:
1. UC煩到嘔, 早前同佢約好25/Nov開場俾我o地去睇多次; 咁我o地當然約好晒D兄弟姊妹啦! ... 點知, 尋日講返, 佢話佢唔醒起係星期日, 冇人開門俾我o地, 一句Sorry就叫我o地改期 ... 廢話一堆! 經過Fiona同佢成嗌下, 終於可以按期俾我o地用場 ... 但仲要好似我o地欠o左佢咁!
2. 出去同木蘭傾傾場地佈置, 之前報o左價, 今次去見面, 解釋o左佢o地報價o既base, 我o地就講o左我o地o既要求 ... Well~ HKD 4500左右啦! 都幾out of our budget! ... 不過, 佢o地都好好, 同兄弟姊妹傾傾再諗諗先!!!
3. 收到Farrari執o左o既相 Ver 1.0; 花o左差唔多個幾鐘, 我o地兩個分工合作去睇晒佢 ... 真係好Surprise! 好少o野叫佢o地再改only, 好多好細緻o既佢o地都執o左, 攪到好Picky o既Fiona都冇聲出! 呵呵~ Kenny仲幫我o地爭取多200張謝卡~ 正到爆!!!
Well~ 尋日o既心情Level係由低到極高~ 唔怪得大學真係比社會步伐差咁遠!!!
--- Felix

花球...hehe~

差o的唔記得!! 其實我上星期五已經買o左花球啦! 因為絲花既關係, 唔使咁費心去想去搞, 仲可以早兩個月complete mission!
俾張相大家睇下先...
係粉紅色花花...my favorite~~keke
姊妹兄弟既花仲未買... 下個月先搞~
另外, 茶具都已經complete jor! 余媽媽原來一早已經係大陸買o左, 順理成章我又唔使買啦! 哈哈!

Fiona

姊妹Sun睇衫團

今日晏就Linda 約o左班姊妹去尖咀大王介紹既百利睇衫。原來尋日大王打俾我, 係想同我講佢星期五去o左長沙灣廣場做research, 發現o個處有一間又平又抵! 經過一輪discussion, 姊妹們決定行一轉百利, 睇下款後就一齊去長沙灣睇衫。
一去到, 同老闆Jacky 傾o左一陣, 價錢同service 都ok, 初步就拍板了。依家佢地就返去睇下自己想要o的咩款, 過多幾日先send o的圖俾Jacky 睇做唔做到。初步又confirm 多一樣野.... 太好了! 大王好野!!!
Fiona

北上之旅

星期六唔使返工, 決定又將行程tightly packed. 我同Felix 早場兵分兩路, 之後先join 返, 先報告我既行程先 :
北上睇媽咪衫
約 o左1:30pm 跟我媽, 我妹, 未來奶奶同老爺一齊北上睇媽咪衫。2點半到o左羅湖, 未來奶奶先去佢做衫o個間拎佢之前做o個件衫先, 咁我媽都係o個到睇o左同試o左o的衫, 不過都搵唔到佢心水。之後行多幾間, 最後都係去o左布城自己搵布做, 之後拎返去未來奶奶做衫o個間整。Total 都係$430! 仲平過租, 仲可以玩兩日tim!! 10 日之後可以再上過o黎試身, 正!
UCC1 睇場試音響
另一邊廂Felix 返o左UCC1 度返o的size 同試o的音響, 唔知點解個mixer 用唔到。Anyway, 25/11 再試過! 最主要就係度返o的size, decoration 處就可以慢慢安排先啦!
大約5點幾, Felix 上埋羅湖join 我地, 同佢睇下o的shirt 既價錢, 就起行去睇第三次稿...
名百合第三稿
我 地6:45pm 去到名百合, 我想佢地都等o左我地好耐了。不過一入去, 服務態度異常好, 勁好service. 做咩都話"好", 睇相時, 總算有7成附合我地寫得咁辛苦既要求。不過最激氣既係, 次序又係錯的, 第二本相簿仲搞笑, 用錯o左未改過既raw data 去做, 即之前話要清除既錶, 葉又出返o黎... 唉... 真係激死!!! 不過Felix 已經冇咩好氣再發火了, 而我地真係唔想再改第四次, 所以決定只需佢地按我們要求改好就直接出貨。希望順利啦, 10 日之後有相簿拎~~~~
終於完成整天的任務, 最後梗係去水雲間休一休, relax 下!
總算又完成了兩個Task。
Fiona

陪我倒數

Count Down永遠都會壓迫感強D~ 今日計, 距離註冊日仲有58日!
今個星期日就出Trip喇~ 19/Nov晚返到HK, 20/Nov計, 就得返47日~
時間好似過得越o黎越快, 而我o地未攪掂o既o野就好似越o黎越多咁!!! 甘~
Outstanding:
1. 註冊場地佈置 (未有供應商, 未有idea, 未有plan)
2. Refreshment (almost finalize)
3. 車 (99% confirmed)
4. 過大禮 (有idea, 但未攪)
5. 片 (under 拍ing, 未開始edit, 未夠raw片, 仲要搵舊相搵舊片)
6. 兄弟姊妹衫 (under processing, 但大家好似未開始買)
7. 場地音樂等問題 (聽日去試)
8. 媽咪衫 (聽日北上去睇, 應該會造掛?!)
9. Invitation Card (有design concept, 不過未完成)
10. 我的裇衫, 白鞋同埋新娘手套未買 (成日都覺得呢D o野好快, 所以就遲D先遲D先 ...)
... 仲有咩漏呢?!
--- Felix

精打細算的余太

"吉之島大減價Last Day喇!" ... 準余太有病在身, 都記住D"緊要o野"~
"去買床單被鋪平D呀! ..." 可惜準余太今日身體抱恙, 都冇出到去睇!!!
咁唯有余生去做o野啦~ 大陸返o黎, 揸車都經過屯門, 咪去吉之島睇下lor~ 好快就揀好了! 都係雅芳婷啦 (其實都知Fiona本身都係想買呢間o架喇! 不過唔講到出面jei~) ... 有免費繡名服務, 14天後取貨!!!

你估我o地買o左邊隻丫喇?! [Link]

又完成一項簡單任務~ Easy job!!!
--- Felix

靚衫再試

4/Nov除o左北上睇稿外, 之前其實去o左試衫~
第一站 - Jewel Sui

唉~ 我竟然同第一次o黎試衫o既身材一D都冇變過, 著唔落o既都依然係著唔落~ 點攪好呢?!

未來岳母大人都試下先~

結果, Hold o左註冊日的4年衫了! 男兩件, 女兩件, 到時見!!!

第二站 - 肥孖

呢間又係Jenny介紹之下, 去睇睇, 雖然冇firm到, 不過都令大家對媽咪衫拎多D Concept~

簡單的款式又有, 高貴的款式都有

第三站 - 錦發

黑色權威 和 棗紅典雅

三五成群, 果然係冇個好人; 諗o左一輪, 大家都Prefer棗紅色, 但租兩件差唔多o既又好似冇咩意義, 結果, 租一件Share, 上半場接新娘時俾岳母著, 接力到下半場入門, 俾奶奶著~ 一件攪掂! ... 今次証明o左兩樣o野:
1. 幾位女士都係精打細算的 ...
2. 兩位媽咪都係"標準"身形!!!

--- Felix

名百合睇稿二 之 火都o黎埋

4/Nov (日) 如期完成第二次稿件 ... 之前問過, 20:00前到都冇問題, 當日打去, 叫我18:00前要到喇, designer會走o架喇!!! 都痴線!!! 講完一輪, 叫我o地19:00前啦, designer會留多一陣! ... 18:30已經到, 咪一Q樣係冇designer o向度!!!
1. 先唔講D design有幾廢, 因為呢樣o野都幾主觀
2. 一開始係咁二見到D design, 都知一定有o野又要改, well, 佢叫我寫lor! 寫出o黎要點改 ... 我同佢講, 文字表達一定唔夠, 問佢可唔可以頹print一份出o黎, 等我可以on top加comment, 會易D溝通!
答案: 唔得o架wor, print唔到o架wor~ (我反問: 咁張單你又print到?)
再答: 呢部機會聯上printer lor~ (我反問: 咁上次我都唔係呢部機睇相啦, 咁copy過去print都好易jei?!)
再答: 公司冇呢個規矩o架wor~ 你都係寫出o黎啦, 我o地明o架喇! (我輸了 ... dead air!)
3. 好, 寫咪寫lor~ 頂丫!!!
4. 寫到第二張要改的相, 完全冇人理, 冇人support, 冇人serve, 竟然要我自己去睇埋original張相, 考慮埋佢technical o既問題, 諗都諗o左成15 min ... 過程中冇任何tech/designer俾comment, 俾suggestion! 食蕉, 最終都係自己攪掂~
5. 改完呢張, 真係火都o黎埋! 即刻起身出去買o野飲, 抖抖氣俾自己cool down一下
6. 返到o黎, 繼續! 下一張改到一半, 條頹柴過o黎講, 不如俾我自己返去攪, 見我都識得攪!!! ... 痴X線o架?! 呢D係咩X o野Service呀? 有冇攪X錯呀? ... 我同佢講, 我邊有咁多時間攪呀? 妙答: 你識o既都好快jei, 每日抽少少時間都可以完成一頁啦! (我頂丫, total成27-28頁, 咁我咪要攪成個月? 真係無X腦!!!) ... 100% turndown佢D咁白痴o既廢話~ 我答: 唔駛講, 冇可能! 講完!!!
7. 攪完第一本, 13頁, 發現仲有頁叫"13-", 都唔知咩o黎, D相係重覆, design又同13頁冇咩分別~ 當佢攪錯, 叫佢delete佢! 呢個時候, 已經攪o左1.75 hrs!!! 20:15了~
8. 第二本: 好D o既, 冇改咁多o野要改!!! 明顯係唔同designer去做~ ... page 13, page 14!!!!!! 呢本有14頁? 所以之前o個本都攪多頁呀? 就咁頹做多一頁一Q樣o既當放功課呀?! ... well, 我要爆了! 再爆一o野!!! 已經開始唔嬲, 只係覺得好好笑~~~ 係可笑!
下半場, 爆上爆!
- 講到明我9/Nov要飛, 一去就10日, 而我又要11月底拎晒D相~ 回答都係一樣的廢: 改犒要1個星期wor, 你11/Nov o黎睇啦! (睇風呀? 我都唔o向度!) ... 睇完confirm後14天可交相 ... 再再再爆! 我返到o黎, 都20/Nov, 14日後有X用呀? ... 完全冇理過我o地o既situation, 冇任何supportive action 或 suggestion出o黎~ 叫佢搵個高級D o黎, 又話唔駛, "咁公司請我o地咪冇用lor" ... 頂, 而家就係你冇X用, 叫你上司o黎傾啦, 又唔制! 含啦~
- 結果咪又係要叫過高級過o黎?! 廢~~~ 同個高級o既傾, 都有少少用o既, 雖然都係唔可以即時俾到咩confirmation我, 但起碼都有suggestion會幫我o地去push, 呢一兩日覆返我o地~ 唉! 唔同佢玩, 是X但啦~ (講真都唔係真係趕o既, 不過係唔like要push下佢o地呀! 如果唔係都唔知俾佢o地拖到幾時先攪掂!!!)
結論: 北上影相, 千萬唔好用佢o地o既排版, 如果唔係攪到你死都未出到o黎!!!
P.S. 文中所有"X"都係同一個字!

堔圳寶安北路的批發市場

尋晚北上, 同Fiona同埋"大妗妹" - Erin一齊去水云間按摩, 訓埋覺~ 因為今日全日都o向大陸有Task要做:

1. 去東門整指甲

Cool Color手甲 + 靚靚腳甲

2. 去堔圳寶安北路的文具及玩具批發市場, 行下睇下有咩佈置用品可以買, 因為之前"未來奶奶"提過, 見到o個度都有o野可能o岩用~ 叫我o地有時間去逛逛~ 聽話o既我o地, 梗係去睇下啦! 都有唔少收獲, 好平~ o個D"喜喜"貼, 只係RMB 3一個, 仲有拉炮都只係RMB 4.5 ~ 6.5一個, 買o左幾個返o黎HK, 遲D試下效果!!!
兄弟姊妹 > 遲D一齊上去, 買o野喇!!! (當然要幫手拎o野啦!)
3. 去"名百合"睇犒, 試衫 (訂造的免費婚紗已完成!)
- 先講試衫: 完全above我o地本來的Expectation, 雖然造出o黎同原本的都幾唔同, 但係出o左呢一個Feel, 仲Cute o左DD~ 正! 好滿意!!! 另外, 我同Erin講, 有條衫送, 不過我o地見佢鋪頭o個D都一定係2nd Hand, 咁梗係造一件自己做第一首好啦!!!
- 睇犒: Expected係 ... 完全唔掂!!! 之前叫佢o地執o既位, 完全冇攪過~ 另外, 排版排得好廢~ 唉! 要改過晒喇!!! 呵呵呵~
報告完畢! --- Felix

律~~~師

星期四 (25/Oct) 去見o左律師 - Anthony Lam (林志達), 呢個係Jenny的好介紹!!!
其他, 10月頭的時候, 已經上去簽o左名, 俾o左$, 今次去主要係同律師見個面, 傾一傾個大致Rundown同埋注意事項~ 第一眼見到律師, 其實冇咩感覺, 不過佢反而問: "終於見到我真人了, 不會令你失望吧?!" ... 呢句說話即時令我諗一諗, 心底話: "點會失望丫? 又唔係想你高大威猛靚仔! 俾你靚仔過我咪會俾你搶晒鏡lor!" ... 哈哈!!!
開始講解一般流程 ... ... ... Well, 我真係要stop一stop佢~ 同佢講講我o地想做o既o野, 想要o既Plan先, 咁會好D! 到我講 ... ... ... 大致上係咁喇!
Anthony o既反應係: "嘩! 早兩個月我先有個博士Client, o係HKU度攪, 同你o既Idea係完全一樣!" ... 嘩~ 咁都得? 再一次證明我o地真係唔係咩非一般異類, 世界之大, 你諗到o既, 人o地點會諗唔到丫?!
跟 住一堆又一堆的注意事項, Well~ 雖然多, 不過, 呢位律師哥哥真係好Pro, 講o野好有力, 好幽默, 好Supportive ... 我平時同人傾o野都可以Lead住晒o架啦~ 今次, 真係狠狠的被擊倒!!! 完全攞唔到主控權, 俾佢Lead住晒o黎走~ 我只係想講我大致上想要o既o野, 佢已經有晒幾個Option俾我 ... 就連幾時翻開新娘頭紗, 點樣去翻都好有研究! 真係吹漲!!!
而家對律師o既問題, 總算解決了! ... 總結係: 放心~
Jenny真係冇介紹錯!!! 正呀~
--- Felix

好煩惱呀~

好多o野諗唔掂~ 真係好煩惱呀! 仲有3個月ja~
--- Felix

台灣婚照 - 製作特輯

台灣婚照 - 19/Oct, 我o地參加o左"法拉莉"o既Package, o黎到台北影婚照~ 好多o野想分享, 不過而家就先由我寫D拍攝當日o既製作花絮啦!!!
拍攝時, 助攝都幾忙o架~ 要拉住頭紗又要拎住閃光燈~
我影就呢個角度, 攝影師就另一邊~
助攝冇童真, 唔識吹波波, 要攝影師教路!!!

路邊轉妝少不免o架喇~ 不過都有地方可以換到衫! 行程緊密, 都真係幾攰o架~
辛苦完一整日, 返到公司都已經係22:30喇! 台前幕後工作人員o黎返張大合照先~
攝影師：右青
助攝：冠達
化妝師：淑雯
新郎新娘：唔係咁都要講埋掛?!
總結：今次法拉莉台北婚照之旅的確係 ... 很讚!!! (大約係等於香港"好正"o既意思啦!)
更多花絮：http://picasaweb.google.com/fiona.felix/TaipeiDay2PreWeddingPhotoDay
--- Felix

當日攝影 & 出門地點

尋日總算confirm 了當日攝影 : Leo Wedding
高要求的余生最後揀o左2 個cam man, 1個video man, all digital photo, HD video. MISSION COMPLETED!
出 門既地方今日都confirm jor! 真係要多謝Erin。因為之前一直check馬鞍山海澄軒都只是月租形式, 搞到都唔知租邊到好... 又想近西貢, 又好似冇咩選擇... 尋日同Erin 傾傾下計, 俾佢話我遲...所以走o左去yahoo search "馬鞍山酒店", 點知俾我搵到信和一間agent 可以book 到海澄軒, 3房2廳1000尺!! 唔使多考慮底下, 今日就俾晒$$ 啦!! 正~~
又confirm 兩樣野... 唔知仲差o的咩呢...

大陸婚紗試影團

今次俾婚紗雜誌的廣告吸引, $600 影19 張相, 諗住台灣之前玩下先, 試下個感覺, 所以上星期日就上去玩一玩!
book jor 1:00pm 上去, 因為之前我地係黃崗按摩, 所以索性自己搭的士早o的到。好彩12:30pm 已經到o左, 冇咩人, o的人可以專心o的serve 我。整體來說, 我地都好好彩, 有一個好pro 既化妝造型師(o的髮型超cutie!!! 嗚嗚...點可以咁可愛ga!!), 同埋兩個好好既攝影師(起碼個樣唔doot 啦!! 同埋識講廣東話, 又易溝通). 真係勁好彩!!
Felix 偷影o左一張.... 之後想影都影唔到lu
我用o左成個半鐘先化好第一個妝同埋換好第一套衫。化完之後勁impressive! 雖然之前試妝都見過下化妝既樣, 但今次加埋衫同頭飾, 的確都幾眼前一亮...果然, 化妝對女仔o黎講真係一個偉大既發明!
因 為有4個造型, 第一個係場景婚紗相, warm up 下先, 第二個就出街影, o的相都ok wor, 揀o左件拖尾, 玩到訓晒地, 勁好玩 !! 之後返場 再影過, 揀o左宮廷同古裝, 余生既宮廷look 實在太型仔啦...而我既古裝look 都實在太可愛啦... 哈哈!!
咁 講法大家都估到, 我肯定失守啦... 第一轉我已經揀o左32張相... 再look 多次...加多22... 總共54張!!! 唉... 下次揀相都係將我鎖住吧啦... 完全失晒控...我明明不嬲都好死度ga ma....唉...真失敗!!! 不過都好開心!! 依家有兩本相簿同一個水晶相架係手... 都好滿足ga la!!!
哈哈... 其實已經影o左兩日, 但今日仍然好興奮!!! 唉... 影相真係會影上癮ga!! 好彩我依家先影第一輯...唔係真係不堪設想...哈哈 !!!
PS : 之前我又上o左東門玩指甲, 今次仲靚!!! 俾大家睇下呀~

Fiona