玩樂在三杯酒

不時都有遊人週末入o黎問: 三杯酒碼頭o向邊呀?
通常都係求其指向海邊, 叫佢行出去就係o架喇! 其實, 自己都未去過!

早排見有個星期日有D時間又天氣好, 走出去行下, 影下相!!! 嘩! 果然係正呀!!!

有個沙灘仔, 見到有人游水, 玩浮潛~ 另一邊又有人摸蜆! 個灘仲有好多海星呀, 蟹仔呀咁 ... 好似都幾好玩咁!!!

三杯酒相集

之後都搵o左個星期日去玩水 ... 爽!!!

世界盃決賽2010

今屆世界盃, 都冇咩睇波, 本身都冇打算睇決賽 (荷蘭 vs 西班牙), 不過o向沈祖堯校長的召集下, 都返o左去中大百萬大道睇波!

尋晚眼見差唔多800幾人o向度睇波 (~1.5個大O的感覺) ... 當中有學生, 有教授更有校友! 非常熱鬧!!!

法定時間0:0, 要加時先分到勝負, 攪到遲o左成粒鐘先有得訓! 不過難得的氣氛, 又唔捨得早走 ... 今次, 中大真係爭返唔少面子!!! 起碼, 我兩睇得好開心!!!