4月沙田友

松鼠搬家第二擊 - 正式成為沙田友
余先生既效率真係快到嚇死人... 車都係剛剛上星期一賣o左, 呢幾日係uwant 睇網頁睇資料. 星期六去o左上葵涌村睇一間, 星期日晏就返土瓜灣, 夜晚去沙田第一城。前後認認真真睇o左都冇2日樓, 就已經confirm 了!!
我地租o左邊? 就係沙田第一城啦!!
其 實我地一上到去, 已經俾佢地既裝修吸引o左, 好清優既感覺, 最緊要係傢私電器都係晒到, 真係就咁帶部電腦o黎就可以住啦! 睇完其實已經好鍾意, 但怕我地太有bias, 係到迫自己想o的位去tackle 間屋... 點知, 句句都係support ... 其實我地都有默契地, 好喜歡呢間屋, 第二日一早就打o左俾佢confirm 了, 同日都簽埋約。我地愚人節o個日就有新屋住啦!!
好 搞笑lor, 當我話俾我o的朋友知我搵緊樓時, 個個都好興奮同Helpful, Erin 幫我係uwant 留晒record (呢間屋都係因為Erin 幫我係uwant post jor info 令o的人搵到我啦!), 做晒research, 綺雯打電話話我知有咩野租樓秘技, 阿包仲興奮, 佢多o左個鄰居, 我叫佢過o黎玩Pictionary, 佢竟然話過o黎開會...啤啤叫lor
hehe~~ 好開心, 下個月有新屋住lu~~~
Fiona

Trade Off

松鼠搬家第一擊 - 代價編
因為要租屋, 唔可以咁大洗喇~ (well, 應該話, 幾時都唔應該咁大洗!) 計過條數, 最好o既Cost Cutting就係放棄部車~ 所以前兩日已經安排放車, 尋日已經有人睇o左, 都賣到好價! 梗係即放啦~ 唔可以多諗, 諗就唔會捨得o架喇! 哈哈~
而家要開始習慣冇車o既生活, 行多兩步又健康又可以減肥, 又Save o左$$ ... 一舉三得!
繼續努力, 搵地方!
--- Felix

落區採訪 - 大圍

今日放工, 同老婆去o左大圍係咁二行o左一行~ 睇下地產代理做緊咩價位, 係咁二睇下環境 ... 初步係, 未有意見!!!
或者遲D要搵日上去Henry度睇下金獅花園係點~ 不過唐樓都唔錯丫, 係冇Lift lor~ (搬琴就甘到爆!) ... 慢慢o黎啦~ 仲有大把時間!!!
--- Felix

生日快樂~

尋日收到份好開心既生日禮物, 哈哈~ 其實我一直都好想自己擁有一套大富翁, 依家終於有啦!! 仲係digital擦卡式 tim! 好型!! 謝謝老公~~~
生日同之前有咩分別? 好搞笑lor...已經冇人再同我講 "Fiona Happy Birthday", 全部轉晒"余太生日快樂", 冇人祝我越o黎越靚, 改為祝我"老公聽教聽話"... 好似依家生日都唔再係自己一個人既事咁...哈哈~ 好搞笑!!!
Fiona

松鼠搬家

計劃緊搬家, 兩個人自己住~ 租住先掛!!! 因為, 屋企人實在太煩喇!!! 唔係婆媳o既問題lor~ 問題只係我 ... 哈哈!!!
不過, 由細到大都想自住o架喇! 之前成日o向大陸, 唔抵! 返o左o黎又攪結婚, 冇錢! ... 有個導火線, 仲唔發圍搬家咩?! 呵呵~
不過, 代價係 ... 我要賣車!!! 算啦, 我遲D會搵得返o架喇!!! 林保堅尼 ... 等我呀!
--- Felix

余太一個月

成為余太都有一個月了....大體上同之前都冇咩分別... 街一齊出, 工一齊返, 飯一齊食。

我想最大分別係我依家成日俾人叫余太lor, 尤其係新年前, 好似大家都係到提醒我要派利是咁~~

上星期六去Physics 既Annual Dinner, 因為余生係校友會主席既關係...搞到我通場都俾人捉住恭喜一番。個個都係到叫我余太...好搞笑啦。

依家都好似仲未好慣人地叫余太... 還是Fiona, 阿Fi 親切o的~

Fiona

休息完畢, 繼續努力~~~

結o左婚都快一個月喇!!! 抖夠喇~ 又係時間要繼續攪埋個Banquet喇~
hm~ 約兄弟姊妹開會喇!!! (唔o黎就冇利事派喇!)
--- Felix