CQB Fun Fun Fun

成功!!! 好成功咁攪o左個CQB (Indoor o既Wargame啦!) ... 命名為F vs M
原意係Felix vs Marco咁解, 不過搵搵下, F Team好似听Fiona's Team更為合適, 因為全部Teammate都係Fiona o既Friend ... 唉! 我真係唔爭氣!!!

之前已經為今次o既CQB, 作好準備 ... 買o左Belt, 槍袋, 彈夾袋, 眼罩, 帽 ... 係咪幾型呢?!

一行16人, 9男7女, 好開心玩得好開心!!! 大家都好Enjoy~~~ 今次我o地男o既用手槍, 女o既用MP5K ... 效果都唔錯!!! 應該 ... 好應該會再攪!!! F Team ... 加油!!!

姊妹聚 之 大閘蟹宴

經我地既Blog 既宣傳下, 又有一位姊妹對大閘蟹有興趣啦~~我地即興下約o左星期五一齊再殺上金都!
今次約下約下, 竟然好多人都有興趣, 除o左搞手綺雯外, 仲有Erin, 阿包, Linda, Ling... 搞搞下變o左姊妹聚tim!
當日既節目非常豐富, 我地大玩猜迷遊戲, 最搞笑係估Linda 男朋友既名!! 佢既真名我都唔係好記得啦... 只記得羅長十進制!! 哈哈!! 笑死我地呀... 好耐都冇試過咁白痴!!!










火焰話妹骨 - Erin一食就食得出話妹味, 勁!!!

校友盃獎牌

我睇o左咁多年波, 物理系終於有獎拎啦... 感動!!!只可以講... AMAZING!!

我呢個物理系校友會幹事/余太因為打氣非常落力, 都有獎牌拎!

呵呵, 記憶所知對上一次應該係UC水運會啦!

Fiona

難以置信的獎牌

踢系隊咁多年, 真係冇諗過PHY都可以有獎攞!!!

今年校友盃2008, 竟然打出個奇蹟~ 真係勁!!!

(遲D upload返得獎相片)

童星點心麵

零食櫃裡面, 童星點心麵o既死亡率係特別高!!!

禮拜頭先買o左5包, 尋日已經死剩一包ja~~~
(都未計中途買o左幾包返去)

嘩哈哈~~~ 我係點心麵殺手!!!

Inline Skate

3/Oct星期五晚, 本來係打算去又一城, 食Dan Ryan, 行下街咁~
由於我早到, 先去頂樓行下, 睇下運動o野, 去o左Adidas同埋Royal Sport ... 行行下Royal Sport, 見到有幾對Inline Skate ... what? HKD 399? HKD 599? 特價?!

老婆到喇~ 叫佢一齊睇下! HKD 399 藍色, 包埋護肘護膝, 對Skate仲要係Adjustable, 可調教大細 ... 即係童裝lor~ 另一對HKD 599, 黑色 ... 搵個Staff o黎幫幫手先~ 搵o岩Size試下!!!

老婆話: 想試HKD 399呢對
Staff話: 童裝應該唔o岩o架wor?!
老婆話: 唔係wor, 應該o岩wor, 我著開5-6號, 佢寫4-7, 咪o岩lor?!
Staff話: 我拎俾你試下啦 ... 先生呢?
肥佬話: 11

試緊試緊~~~ 試完!!!

Staff話: OK ma?
老婆話: 鬆tim呀!!! ... 不過可以教丫ma?!
Staff話: 我幫你整!!! (幾十秒後) 你再試下~~~
老婆話: Fit~ 完全冇問題!!!

就係咁, 屋企而家就多o左兩對Skate喇!!! 嘩哈哈~ 因為用o左咁多$ o既關係, 我o地最後只係去o左食KFC (my favorite) ...

大閘蟹again & again!

繼我地星期日自己食完一次之後, 我地星期一又同余生一家食。一圍11人食o左20只蟹!! (Remark : 有兩個人係唔食的)
除此之外, 經blogger 既宣傳之後, 吸引o左另一個餵食既朋友Erin留言,我地呢o的不嬲都好照顧大家既需要, 決定尋晚即興地約埋再去食大閘蟹(其實因為自己都好想食!!)!!
我地三個食o左6只大閘蟹, 只只又係超多膏, 我地個個都食到津津有味! 哈哈!
尋晚最慘就係孖展啦, 有得睇冇得食... 羅小姐, 你睇下孖展對你幾好!?
總結一下, 我同余生呢五日內共食o左13只蟹!! 真係好得人驚...

下次我地既activities 應該係BBQ 掛~~期待~~