20/Dec 流浮山半日遊

上星期六放工, 同屋企人去o左流浮山玩 ... 我同Fiona都未去過, 興起想去行下!!!

第一站 - 香港濕地公園

第一次o黎, 點知遇著禽流感, 無得出外參觀 ... 可惜? 又唔覺o既, 因為去到都已經15:00, 都係想o黎行下睇下jei!!!

諗住搵Plateau, 點知打俾佢冇人聽~ (後來先知佢出o左去做o野, 收唔到電話)!!!

係呢度, 我o地發現, 原來熊人食魚, 只係企o向水流上面, D魚就會自己跳入佢個口~~~ 呢D咪呢勁lor!!!

發現, 原來濕地公園都幾好玩o架wor!!! 我o地仲整o左個襟章做紀念tim!!!

第二站 - 上下白泥睇日落


原來香港有個咁正o既地方睇日落~ 幾正!!! 夕陽無限好~~~~ 爽呀!!!

尾站 - 流浮山海鮮街

o黎得流浮山, 點可以唔o黎食海鮮呀?! HKD 250一位, 有蝦, 瀨尿蝦, 蟶子, 魚, 蠔 ... 非常乾淨同埋鮮味, 汽水仲任飲tim!!!

正!!!


總結, 今次流浮山之旅的確係正!!! 下次可以花多D時間o向濕地公園, 多D人一齊食海鮮, 食多幾味!!!

Fiona最喜愛的聖誕相

問: 丫, 聖誕節你鍾意白色定係紅色?
答: hm~~~ (諗o左一陣)
追問: 即係, 你鍾意白色聖誕丫? 定係紅色o既聖誕呢?
即答: 藍色
........................................... #$^&*xyz

21/Dec攝於旺角新世界廣場

藍色聖誕, 又係幾靚o既~~~

八人飯局

尋晚, 一行八人一齊去o左佐敦大中華素食食晚飯 ... 事情就係咁上下啦!!!

~報告完畢~

我最喜愛的聖誕燈飾照

尋晚同老婆去尖沙咀睇燈飾, 影o左D相, 呢幾張我最鍾意!!!

隨時隨地隨便影

而家手機都有得影相, 真係方便o左好多!!! 隨時隨地, 行到去邊, 有咩o野都可以影低做個紀念!!!

余立熊

呢期勁似隻北極熊, 十幾度仲可以短袖Tee, 訓覺又踢被, 仲要嗌熱!!!

唔知大家有冇上去大陸坐的士, 有時會播一隻勁靚仔, 勁有型o既北極熊, 勁多爆笑o野~~~ Search o左一輪, 原來佢叫做Bernard Bear!!! 真係勁正!!! 大家上Youtube, 打Bernard Bear就會搵到好多片!!!

Official Website: www.bernardbear.com

係咪好似我呢?! 呵呵~~~

Ikea 遊

星期日無聊地去o左沙田Ikea 行街街, 原來IKEA 細o左好多呀... 只係剩返一層, 冇咩野行...

無聊既余生唔知做咩事興起, 拎o左IKEA 紙做既尺企圖度佢既肚腩圍, 點知39" 既尺唔係好夠(我已經係到笑緊), 余生話 : sorry, 唔係咁度。係呢個時候縮肚企圖再度... 點知....條尺拉斷o左!!

哈哈~~ 呢個故事教訓大家... 要量力而為~~keke!