O仔牌續

hm~ 出o左一日海, 後面波折重重~~~
16/Oct: 教練回港班機delay, 改期
24/Oct: 因為早幾日有個超級台風o向門口, 船已經收埋, 再改期
31/Oct: 老婆身體不適, 未能完成潛水
7/Nov: 船隻機件固障, 入廠了

睇怕, 今年老婆都係完成唔到潛水O仔牌住喇~~~ 出年再繼續吧!

十月下水禮

完成筆試, 十月正式落水 - 潛水!

10月1日國慶假期 - 置富花園泳池試一試, 淺水清水的環境, 2m水, 感受一下, 做下基本動作 ... 冇難度!

10月3日星期日 - 橋咀下海
正式落海潛, 落到去6m水玩, 睇到珊瑚, 魚仔群等, 好興奮好過癮! 不過唔知咩事, 右耳唔生性, 玩得耐就有D痛~ 下次落水要再留意下!!!

期待10月16日二次下海, 合格就有O仔牌喇!!!

[更多相片]

旅行2010

今個星期日就出發喇, 去台灣南部玩五日, 自駕遊!
老婆已經book晒民宿同埋租車喇, 我就準備好了國際車牌同埋入台証! 近年成日出trip, 兩公婆好耐冇去玩喇!!!

希望有個快樂的旅程啦!!!

Scuba Diving - NAUI

開始O仔牌課程, 6/Sept開始第一堂理論課, 感覺良好!
期待~~~

[相簿]

攀石變碌玲

人生第一次活動失敗, 個半月前已經安排, 超額召集了20人本身興高采烈準備參加運動攀石同樂日 ... 結果香港攀山總會沒有安排教練出現, 活動告吹!

解散後, 部份人走了, 我o地就一行13人去九展碌玲 (Bowling) ...

打兩局, 兩局都咁o岩打到138分~ hehe!!!

唉, 苦中作樂, 心情真係唔好lor!!!

玩樂在三杯酒

不時都有遊人週末入o黎問: 三杯酒碼頭o向邊呀?
通常都係求其指向海邊, 叫佢行出去就係o架喇! 其實, 自己都未去過!

早排見有個星期日有D時間又天氣好, 走出去行下, 影下相!!! 嘩! 果然係正呀!!!

有個沙灘仔, 見到有人游水, 玩浮潛~ 另一邊又有人摸蜆! 個灘仲有好多海星呀, 蟹仔呀咁 ... 好似都幾好玩咁!!!

三杯酒相集

之後都搵o左個星期日去玩水 ... 爽!!!

世界盃決賽2010

今屆世界盃, 都冇咩睇波, 本身都冇打算睇決賽 (荷蘭 vs 西班牙), 不過o向沈祖堯校長的召集下, 都返o左去中大百萬大道睇波!

尋晚眼見差唔多800幾人o向度睇波 (~1.5個大O的感覺) ... 當中有學生, 有教授更有校友! 非常熱鬧!!!

法定時間0:0, 要加時先分到勝負, 攪到遲o左成粒鐘先有得訓! 不過難得的氣氛, 又唔捨得早走 ... 今次, 中大真係爭返唔少面子!!! 起碼, 我兩睇得好開心!!!