拎o左戒指啦!!

尋日去鑽石山拎o左對戒指lu~~ 同大家分享下 :
就係我之前所講既"死纏爛打"啦~
呢個就係佢地送既相架～

原來不知不覺間，我就快做余太啦! 哈哈!

減肥進度~

余立仁的減肥進度 ...
-1
仲肥o左少少~~~ 頂!!!
--- Felix

Visit Jewel Sui Again

因為又有新款返既關係, 星期六又上o左去睇。可惜今次大部份o的款都係A Line, 唔o岩o的又矮又肥既我... 不過試到一件婚紗都幾o靚, 所以...我轉o左march in o個件!!

紅色既我見到一件好cutie, 二話不說又轉了...

今次帶埋伴娘上去睇衫, 新郎發現自己唔知點解大碼著到, 加大反而著唔到...奇怪!! 哈哈!!

擇日

中國人真係好煩, 擇咩日, 夾咩時辰, 生肖, 沖呢樣沖o個樣 ...
原來要搵個日子都咁難~ 仲要傾到火都o黎埋!!! 雖然已經過o左個幾星期, 但都係好唔舒服, 好擔心隨時又有其他o野走出o黎!!!
雖然屋企人口講冇所謂, 一時爆樣o野出o黎, 一時又聽埋聽埋D o野返o黎 ... 真係好Q煩!!! 一開始就好好好, 冇問題, 冇所謂 ... 係就咪講咁多o野啦!!!
唔再煩, 決定的就決定了!
2008年1月6日 - 註冊 (豬年對我o地o黎講, 基本上已經冇第二日)
2008年5月2日 - 擺酒 (唔改星期六/日喇! 因為會貴D!!!)
希望呢個係Final Decision啦!!!
--- Felix

化妝 confirmed!~

Yea! 今日又confirm 多一樣野啦!
今日約埋Joana 同我妹去尖咀搵Kathy 試妝，都唔使點溝通，一埋牙就o黎料啦。
用一塊面試o左兩個妝，三個頭，好搞笑，佢有時仲興奮過我，feel 到佢係好有heart，好比心機咁幫我諗。唔使講，我即日就confirm jor! 俾一張相你地睇下先。

想睇多o的就去我相簿慢慢睇啦!
Fiona

結婚公仔

因為我鍾意叮噹，之前我地都有打算用靜宜做女結婚公仔，通常靜宜梗係配大雄啦，但余生覺得大雄係懦夫，話技安型o的wor...

點知今日渣渣下車發覺，原來依家既身型似叮噹多o的！

靜宜同叮噹，你話幾好呢！

Fiona

靚靚指甲

之前我同事Erin 介紹過去東門劃指甲非常抵, 尋日有機會就過去試下。原來真係好抵好抵!!! 修甲送劃花 : $10, 手腳同價, 想靚o的打埋腊都係加多$10!!!!
俾大家睇下o的成果 :

手手 腳腳
真係太抵啦, 香港咁搞法$200都唔知落唔落到樓...遲o的影婚紗相前都好整整只手手同腳腳先!!!
Fiona