家長會面

又完成一個Task - <雙方家長會面>

日期: 26/Sept/07 (中秋翌日 八月十六日)
時間: 晚飯時間
地點: 博藝會 (婚宴場地)
本來都唔係打算去呢度, 點知冇啦啦我老豆老母口梳, 攪到會有其他親戚會o向隔壁台八掛~ 頂!!! 都痴X線 ... 咁大個人都仲做埋D咁X無為o既o野~ 攪到臨急臨忙又要再搵個場地!!!
好彩我o地勁, 諗到去博藝會, 轉場都理直氣壯夠晒Support!!!
會面氣氛: 平靜簡單 ... 安全渡過又過一關!!! 爽~~~
--- Felix

技安 + 靜宜

Fiona都鍾意叮噹o既, 之前成日講笑, 靜宜同大雄唔係好match我o地, 大雄成個懦夫咁, 一D都唔似我, 起碼好似技安呢D大大隻, 成日蝦蝦霸霸先似我丫ma~

當然, 真係未見過有"技安 + 靜宜"呢個配搭o既結婚公仔啦~
不過, 死雞泡真係幫我o地去問, 問到金都有!!! 攪到Fiona頭先鬼死咁High~~~ 激死我喇!!! 我要減肥, 唔要做"技安"~~~
--- Felix

斯仁婚禮籌組第一次會議

尋日, o向中大舉辦了斯仁婚禮籌組第一次會面及會議~

先帶大家睇下註冊場地: UCC1

當然, 場地真係幾"cool" ... 要大家幫手大拾一下先得喇!!! 之後, 大家一齊去思源館, 食少少o野, 飲D o野, 傾一下整體安排同埋互相認識一下~

思源館

詳情唔同大家透露住, 遲D你就知~~~

--- Felix

拎o左戒指啦!!

尋日去鑽石山拎o左對戒指lu~~ 同大家分享下 :
就係我之前所講既"死纏爛打"啦~
呢個就係佢地送既相架～

原來不知不覺間，我就快做余太啦! 哈哈!

減肥進度~

余立仁的減肥進度 ...
-1
仲肥o左少少~~~ 頂!!!
--- Felix

Visit Jewel Sui Again

因為又有新款返既關係, 星期六又上o左去睇。可惜今次大部份o的款都係A Line, 唔o岩o的又矮又肥既我... 不過試到一件婚紗都幾o靚, 所以...我轉o左march in o個件!!

紅色既我見到一件好cutie, 二話不說又轉了...

今次帶埋伴娘上去睇衫, 新郎發現自己唔知點解大碼著到, 加大反而著唔到...奇怪!! 哈哈!!

擇日

中國人真係好煩, 擇咩日, 夾咩時辰, 生肖, 沖呢樣沖o個樣 ...
原來要搵個日子都咁難~ 仲要傾到火都o黎埋!!! 雖然已經過o左個幾星期, 但都係好唔舒服, 好擔心隨時又有其他o野走出o黎!!!
雖然屋企人口講冇所謂, 一時爆樣o野出o黎, 一時又聽埋聽埋D o野返o黎 ... 真係好Q煩!!! 一開始就好好好, 冇問題, 冇所謂 ... 係就咪講咁多o野啦!!!
唔再煩, 決定的就決定了!
2008年1月6日 - 註冊 (豬年對我o地o黎講, 基本上已經冇第二日)
2008年5月2日 - 擺酒 (唔改星期六/日喇! 因為會貴D!!!)
希望呢個係Final Decision啦!!!
--- Felix