派利事

嘩~ 結o左婚就要派利事呢個傳統習俗真係幾甘!!!
環保呀~ 唔好派啦~ 用少D利事封, 用少D印鈔 ... 大家一齊為藍天打氣!!!
--- Felix

為擺酒作好準備

休息o左一排, 又係時候要為5月2日擺酒作好準備喇~ 睇下有咩要攪先:
1. 印帖 (人數未計, 未拎, 未印) - 大約要1.5 mth
2. 諗主題, run down: 都有少少Idea o架喇~ CNY同兄弟姊妹開會傾
3. 2008年下半年日曆卡
4. 斯仁婚禮刊物: TBC
5. AV: 要試 (總會用到o既)
其他outstanding:
1. 中大/HK婚紗相
都唔少o野要做 ... 得返3個月, 又要加油喇!!!
--- Felix

未婚與結婚

結o左婚之後o既分別係屋企多o左個人叫"余太" ... 其他暫時未搵到!!! Well~ 真係奇怪!!!
哈哈~~~
--- Felix

斯仁婚禮 - 拎到相啦~

星期三終於係Leo 手中拎到o的raw 既相片~~ 一睇...原來有差不多1500張相~~好興奮~~真係忍唔住要同大家分享下~
最鍾意既係幾張係UC 天井影既相, 人頭湧湧~

Ceremony 之後我地兩個係UCC1 既合照~

跟各人花了無限心思的留言卡影相

辛苦完一天後兄弟姊妹在UCC1 內影相留念

呢幾日不斷係到睇相... 原來話咁快, 我已經做o左5日余太啦!
Fiona

斯仁影院 - 網上重溫

已經將當日放D片擺o左上網: http://picasaweb.google.com/fiona.felix
http://www.youtube.com/fionafelix

--- Felix

斯仁婚禮 - 多謝篇~

斯仁婚禮搞得咁特別,咁成功, 真係要多謝咁多位兄弟姊妹既鼎力幫手!! 我成日都覺得, 如果得我地既idea (其實係Felix), 而冇人幫我地實踐或者further develop, 我地既婚禮一定唔會係咁... 我未想像過一個婚禮我地兩個可以咁得閒, 可以冇人打過俾我, 所有野都好清楚好smooth... 係Felix 分享, 多謝一班兄弟姊妹既幫手時, 我真的想爆... 非常感動... 因我沒有想過我個婚禮可以係咁...真係好想再次藉此多次大家~~
其實整個rundown 都相當smooth... 要講既可以由之前o個晚開始講起....
因 我選擇o左係酒店出門, 咁我book 多間房俾班姊妹住, 其實依家諗返都幾搵笨~ 諗住會舒服o的唔使搞到咁早起身, 點知佢地之前o個晚幫我做decoration, prepare games 都搞到3點幾4點先有得訓!!!!! 綺雯大王阿包仲病到九彩都仲捱住幫我demo o的games, 寫晒稿...大王Linda Ling仲幫我點o的物資... Erin 不斷幫我地影snap shot (最後佢係冇影過自己lor...) 之後要我過去趕佢地訓...一早我起身冇耐佢地已經起身裝身, 之後又再對稿, 準備個遊戲... 劍心幫我地帶o的物資過o黎我處, Daisy 過o黎一齊幫手搞games... 我完全都冇花過一o的時間去handle 呢o的野, 全程我都係到睇成果... 我只知係房入面只聽到笑聲歡呼聲, 雖然我未能睇到live, 但Erin 不斷幫我做小記者即場圖文並茂, 笑到我妝到花埋...哈哈!!
最震撼既係...當我架車到UC, 一落車...WAH.... 班友仔癲ga? 個場搞成咁既!!?? 我只係打算...用o的粉紅及紫色既紗網求其圈住個場jei... 點知個場超靚!! o的紗網效果做到好專業!!! 靚到... 我都唔知講咩好... 我地兩個呆o左, 個攝影師叫我做咩野我都聽唔到... 哈哈~ 行近o的, 個畫架好靚, receiption 好靚, 個留言板仲靚~~~ 完全係呆了... 一個咁普通咁悶既場俾你地搞到咁grand, 你地係得既!!!
再surprise 既係... 大王用o左好多好多私人既時間係我地既紀念品上畫o左百幾個我地既logo!!! CRAZY!! 真係好surprising!!!!
我 地完全冇用過腦咁制, 全日John C handle 晒所有野, 成個function 可以冇overtime, 一定要多謝John C! 仲有一聚兄弟, 你地真係好維護Felix , 車出車入, Felix 既無理要求完全冇怨言 (哈哈~~ 鬼叫99.9%都係佢idea 咩)...個個都搞到5點幾先訓... 辛苦晒大家!!!
總之我要多謝好多好多人... 大王綺雯Linda阿包Erin阿Ling劍心Daisy...John C傑仔蕭fi何B阿杰文盲水母河馬阿錢...
仲有當日既幫手... 冇你地我地唔可以咁快ready...
我地細佬細妹...冇我細佬, 就冇大家睇到既咁精彩既片...
多謝你地無條件咁幫o左我地咁多野, 完全冇同我地計較過, 我明白所有野都唔係理所當然, 你地可以有好多私人既時間, 但你地都選擇俾o左我地兩個...多謝晒你地!!! 講幾多次都唔能夠令我停止我對你地既 Thanks!!!
Fiona

斯仁婚禮 - Great Show

2008年1月6日 (星期日), o向咁多位兄弟姊妹o既大大力支持同埋幫手底下, 完成o左"斯仁婚禮"呢個大Project!!!
好 兄弟姊妹, 好多謝大家尋晚到今日呢24小時o既辛勞~ 肉麻o野唔多講, 我想講o既係估唔到, 呢個"斯仁婚禮"原來o向不知不覺間, 已經成為o左咁多位好兄弟姊妹o既大Project~~~ 好多謝大家為o左我同埋Fiona o既多多要求 (well, 基本上99.99%都係from我o既, 不過, 一對couple係要同甘共苦o架啦!) ... 多多事幹, 而去咁賣力去攪好呢個婚禮!!! 我真係冇諗過今日, 我同Fiona可以咁輕鬆~ 真係全靠大家咁耐以o黎o既努力!!!
我D親戚已經開始Request DVD喇~ (都冇人問幾時有相, 個個都係問片 ... 唉, 梗係我太肥仔, 大家對張相都冇咩期望掛?! ... 哈哈!) 睇o黎5月2日賣DVD呢條橋真係有得諗wor!!! ... 哈哈~
真係真係真係好多謝多謝多謝咁多位好好好兄弟姊妹!!! I Love You All~~~
--- Felix