Happy Dancing Collection

突然愛上玩呢只games... 呢期晚晚煲tim!
o的歌又幾好聽, 公仔又可愛, 同埋都幾易handle, Highly recommend ar

Fiona

南丫島 ... 行行食食

校友會攪行南丫島 ... 未正式行, 大家就食食食~~~
船到榕樹灣, 先食個Quick Lunch~ 去牛記茶餐廳!!!

行o左兩步, 大家就買曲奇, 燒烤 ... (我冇食呀!!!)

直上風力發電站, 斜到呢 ... 行到我上氣唔接下氣呀!!! 好彩大家都o向度玩o左好耐, 可以俾我抖下~~~

返落o黎, 又去"XX阿婆"度食豆腐花 ... 食到大家飽晒喇 ... 先走去正式出發, 去索罟灣 ... 呢個時候, 我已經覺得自己冇晒力喇~~~ 行呢50 mins路程, 好似仲辛苦過跑馬拉松 ... 真係想像唔到南丫島都可以玩死我~~~

呢D咪叫 ... 不濟lor~~~ 唉!!!

真係要減肥 & Train返D體能喇!!!

Wii Music

細佬還返部Wii都有成個幾星期喇~ 都係冇玩過!!! o岩o岩插返線o黎玩, 又買o左新Game - Wii Music

有好多樂器玩, 仲可以用Wii Board玩埋玩打鼓 ... 同埋, 可以做指揮!!!

尋晚, 可惡o既老婆竟然走去玩"破紀錄" ... 破晒我玩指揮o既分數, 首首都高分過我好多~~~ 真係好可惡!!! 點解Wii專出埋晒D Game俾唔識o既人玩先高分?!?!

CQB Fun Fun Fun

成功!!! 好成功咁攪o左個CQB (Indoor o既Wargame啦!) ... 命名為F vs M
原意係Felix vs Marco咁解, 不過搵搵下, F Team好似听Fiona's Team更為合適, 因為全部Teammate都係Fiona o既Friend ... 唉! 我真係唔爭氣!!!

之前已經為今次o既CQB, 作好準備 ... 買o左Belt, 槍袋, 彈夾袋, 眼罩, 帽 ... 係咪幾型呢?!

一行16人, 9男7女, 好開心玩得好開心!!! 大家都好Enjoy~~~ 今次我o地男o既用手槍, 女o既用MP5K ... 效果都唔錯!!! 應該 ... 好應該會再攪!!! F Team ... 加油!!!

姊妹聚 之 大閘蟹宴

經我地既Blog 既宣傳下, 又有一位姊妹對大閘蟹有興趣啦~~我地即興下約o左星期五一齊再殺上金都!
今次約下約下, 竟然好多人都有興趣, 除o左搞手綺雯外, 仲有Erin, 阿包, Linda, Ling... 搞搞下變o左姊妹聚tim!
當日既節目非常豐富, 我地大玩猜迷遊戲, 最搞笑係估Linda 男朋友既名!! 佢既真名我都唔係好記得啦... 只記得羅長十進制!! 哈哈!! 笑死我地呀... 好耐都冇試過咁白痴!!!










火焰話妹骨 - Erin一食就食得出話妹味, 勁!!!

校友盃獎牌

我睇o左咁多年波, 物理系終於有獎拎啦... 感動!!!只可以講... AMAZING!!

我呢個物理系校友會幹事/余太因為打氣非常落力, 都有獎牌拎!

呵呵, 記憶所知對上一次應該係UC水運會啦!

Fiona

難以置信的獎牌

踢系隊咁多年, 真係冇諗過PHY都可以有獎攞!!!

今年校友盃2008, 竟然打出個奇蹟~ 真係勁!!!

(遲D upload返得獎相片)