豬豬地毯

剛剛新買o左張豬豬地毯, 同余先生幾襯!!!

北極熊放暑假

天氣涼爽 ... 攪到我呢期勁High, 勁多活動, 勁多o野玩~
情況就好似一隻北極熊放緊暑假咁, 特別開心!!!

Yo Yo Yo~~~

沒有開冷氣的一晚

終於凍到可以唔駛開冷氣訓~ 一方面係因為天氣真係涼o左, 另一方面見老婆唔舒服, 有D新鮮空氣好似會好D~~~ 尋晚就開窗訓了!!!

Wargame Fun

又完成一個活動, 攪o左個31人o既Wargame Fun - F vs M!!! 今次之前, 我買o左支M14 Socom同埋一支MP5J~ 全副武裝o既我, 真係幾好Feel!!! 老婆大人就當然幫我拎住支MP5J, 殺返幾個啦!!!

今次係打"星期六特別場", 15:00入到去打兩場日Game, 食完Dinner再打夜Game, 第一次玩埋夜晚, 真係另有一番風味!!! 我o個Team仲有阿Lok同埋John C有Walkie, 死玩!!! 哈哈~~~

所有新槍都順利完全測試, 仲好好力同埋好準tim!!! 爽~~~

不過, 所有武裝, 真係好重, 返到屋企成個人已經 ... 散晒~~~

天氣頗涼

尋日朝早去拜山, 老豆o黎車我o地 ...

仁爸: 今日涼o左好多wor, 你唔凍咩?
佢眼見著住T-shirt牛仔褲o既我, 同埋我隔離著長袖衫戴住頸巾o既余太 ...

我: 你有冇見過北極熊會嗌凍丫?!
老豆即時冇聲出, 而老婆就o係隔離爆笑~~~
老婆再細細聲講: 我個心o岩o岩先諗緊呢句!!!

吹咩?!

平淡的週末

好耐都未試過星期六日可以過得咁平淡lu...

本來星期六諗住出深水土步, 點知要等業主送個雪櫃o黎, 由開頭話3點至5點等到夜晚7點... 最後冇得出街, 反而乖乖咁留o左係屋企打機。我依家努力緊個Happy Dance Collection, 余生就努力緊個Medal of Honor, 睇佢打機都幾好ga, 幾剌激, 不過有時悶o左o的lor.

最後改o左星期日出去, 一早(好早!! 10點幾已經出o左門口了!!!) 出發去深水土步, 第一站去搵下有冇毛毛拖鞋, 點知唔知係唔係香港熱o左好多呢, 到呢個時候都未出, Mission 1 fail jor...食個快lunch後, 去o左間直銷店買o左個Wii 軑盤同埋槍, 我個軑盤仲係坐地+識回軑tim!! 都係只需$53. 抵!! 再去黃金買埋個手制, Mission 2 complete! finish 2 mission 之後就係shopping 時間, 余生要為佢15/11 既war game 作準備, 買衫買槍既配件同埋袋! 係深水土步買o左條o岩佢size 既褲, 之後出o左旺角槍街買o左個靚仔袋+其他配件, 完成埋最後既mission!

同佢屋企人食完飯之後... 最癲既係... 我地竟然買o左一箱Minute Mind 返屋企!!! 一箱... 真係好horrible... 鬼叫我真係超鍾意飲咩...之前係美國飲過, 已經愛上了, 可惜一直都冇開香港Market, 終於等到了!!! 呵呵!!

Mc Cafe Wallpaper

估唔到, 老麥個Website, o向Mc Cafe入面, 有個自製Wallpaper o既功能~
整到都幾型o架!!!