煮

呢期都煮o左兩餐, 簡單滾下湯, 炒個菜, 再煮個麵 ...

D湯只要有番茄, 老婆就覺得好好飲!!!
炒菜落D糖, 佢就會覺得好好食!!!

係咪真係咁易滿足o架?!

老婆最愛

呢期老婆最愛o既甜品, 就係呢味
--- 滿記的芒果白雪涼粉

芒果白雪涼粉材料包括:
- 芒果
- 涼粉
- 白雪 (雲尼拿 + 刨冰)
- 滿記糖水碗

盛惠HKD 29!!!

老婆生日快樂 @ King Ludwig Beerhall

嘩 ... 老婆生日喇!!! 老夫老妻都冇咩特別o野攪o架喇! 搵o左個地方, 食餐飯, 慶祝下lor!!!


我同老婆都幾鍾意食德國菜, 啤啤佢, D o野又幾好味 ... 上網搵o左尖沙咀間King Ludwig Beerhall, 未試話, 不過評語唔錯, 所以去試下啦!!!


農夫包 ... 配牛肝醬都真係幾好味!!!
德國腸 ... 夠鹹, 啱晒我!!!
脆豬手 ... 德國菜必食, 不過呢度整o既冇咩驚喜!!!





Anyway, 食物都係其次, 最緊要係開心jei!!! 老婆, 生日快樂 ... 祝你日日都咁快樂啦!!! [相簿]

情人節2009

今年, 我o地一齊渡過了一個火辣辣的情人節!!!

諗過度過, 香港地過情人節, 真係又貴又唔抵~ 所以, 最後決定北上, 帶老婆上去樟木頭食辣o野!!!















四碟各有特色, 老婆都勁鍾意食 ... 呵呵呵!!! 加上只係RMB 7蚊一支大啤酒, 我o地兩個都叫o左3支飲~~~ Total埋單RMB 135!!! 勁抵!!! [相簿]

飲茶與上獅子

上星期六 (十三) 同老婆去飲茶, 竟然有隻獅子走o左入o黎!!! 大鑼大鼓, 有人舞獅呢!!!
隻獅子入o左o黎都有成15-20分鐘, 原來都有好多人俾利事 (我o地諗住落樓飲個茶jei, 都冇帶利事o向身!!!) ... 好得意, 係放入去獅子個口入面 ... 見到有D抱住自己個BB, 等BB放封利事入佢口, 都幾得意!!! ... 而家D BB真係大膽!!!

Pizza Night

呢幾日勁想食Pizza, 所以食o左兩餐Pizza!!!

1. California Pizza Kitchen (旺角)
老婆已經去過, 我就第一次去! 一直我都好想試, 不過, 唔知點解, 最後都係冇去到!!! ... 今次, 終於有得食喇!!! 嘩哈哈!!! ... 好多特色Pizza, 睇到眼花撩亂~ 幾好味, 好想再去食呢!!!

2. Inn Side Out (銅鑼灣)呢間就我o地之前都去過, 因為要過海, 所以成日想去都因為懶而最後冇去到!!! 呢度o既Pizza係勁好食~ 加上Hoegaarden, 簡直係Perfect!!!

呢度仲有個特色, 就係有花生俾你食, 仲俾你將D殼就咁拋落地!!! ... 攪到成地都係殼, 都幾好Feel o架!!!

農曆新年之牛

今個新牛年, 節目豐富, 安排妥善 ... 有o野食, 有o野玩 ...

初一兩家志蓮靜院遊: 我同埋Fiona的屋企人, 一齊去志蓮靜院行下, 再去荷理活廣場食晚飯 ... 輕輕鬆鬆食到八點鐘!!! [相簿]
初四賽車團: 一班好友, 一直入屯門玩小型賽車 ... 勁正!!!
人日行山團: 行上昂平行到自己360 ... 勁甘的一段, 行到氣來氣喘 ... 上到寶蓮寺食齋, 再行昂平繞道返落去 ... 勁甘!!!
換o黎o既 ... 係而家週身骨痛lor~~~