聖誕佈置 90%

尋晚上天台, 又攪o左天台的佈置 ... 仲有D位可以整, 今晚整埋佢!!!

琴

我老豆真係好得意! 行街睇到個電鋼琴, 標價兩皮幾, discount 9千幾, 傾傾下再減到6千幾 ... 同我阿媽講: 仁仔想要電鋼琴wor! 買啦! 佢唔要, 咪放我度, 我都o岩o架!

冇錯, 我係講過電鋼琴, 不過原稿係: 唔買鋼琴喇, 又大又重又麻煩, 如果要買, 我都會揀電鋼琴啦! ... 一個無敵的段章取義, 我而家屋企就多o左部電鋼琴喇!

開心: 有都好o既, 可以練返彈琴!
唔開心: 又要搬過D位, 好彩仲有位放得落! ... & 要練琴喇!!!

聖誕佈置 40%

尋晚整o左個幾鐘, 簡單整o左少少聖誕佈置 ... 呢幾日仲有好多佈置要攪呀~

一路整時, 就一路諗 ... 拆返落o黎可能仲甘!!! 哈哈~~~

三十週年

嘩, 不知不覺間, 我父母已經結婚三十年喇!

帶o左佢o地去尖沙咀Weinstube食德國菜!

之後再去1881行下~ 簡簡單單咁過~

嘻, 唔知我o地三十年後, 又會係點呢?!

塵世間最慘的選擇

塵世間最慘的選擇 - 唔鍾意但係都要用 ... 講緊o既係PCCW的上網服務!

香港寬頻 ... 你幾時入o黎井頭村呀?!

Chi & Jan's Wedding

尋日係阿Jan同埋阿芝的婚禮, 酒席上, 有個Game係叫Naming, 幫佢o地第二時的BB改名~

原來姓杜都幾多好名可以改wor~ 賓客中, 大熱當然係杜蕾絲啦!!! 有D正o野包括: 杜理, 杜瓊斯, 杜鵑 ... 我老婆幫佢個仔改做: 杜松約 ... 哈哈!!! 我就改英文名: 杜比莊 (To Be Strong) & 杜比嬌 (To Be Cute) ...

呢個Game都幾得意o既~

另一個Game, 就係放o左D糖o向個玻璃瓶入面, 估下入面有幾多粒 ... 我o地影o左相, 返位數 ... 相信係大約700-900中間, 我o地就估咩888呀, 777呀, 又查埋舊calendar搵O'Camp Day 1 (813) 呀, 阿Jan生日 (821) 呀咁!

答案係一個特別的數字 - 829 - 8月29日佢兩個開始拍拖 ... 頂, 鬼知咩?! 哈哈!


BTW, 好開心身體繼續有朋友結婚~ 希望大家都幸福愉快啦!!!

盲俠行 ... 行到暈!!!

今年o向綺雯隊長的召集下, 我o地參加o左盲俠行2009 (Moonwalker) ...
出發時間: 23:15 (YouTube)
路程: (起點)沙田運動場 → 馬料水海旁→白石角海濱長廊→ 元洲仔公園→大埔海濱公園→船灣汀角路→ (終點)大埔大美督水壩直升機坪
完成時間: 03:30左右 (YouTube)

如果, 我行到冇命, 又腳傷 ... 太重喇!!!

去到大美督, 勁好天, 好多星星 ... 第一次影的星座 = 獵戶座, 由於唔熟D星座, 影唔駛成個獵戶座, 只係影o左身體部份~~~ 勁靚呀!!!

余生余太洗錢怪

呢期越o黎越余生余太lization, 我o地兩個好似我老豆同阿媽咁, 成日買o野洗錢~
先係用o左6千幾, 攪間客房, 攪o左個打機房!!!

呢期兩大項目進行中:
1. CNY旅行, 兩張用Asia Miles換的機票, 可能會帶o黎成皮o野o既支出!
2. 車 ... 呢期睇二手車睇到如火如荼, 唔知幾時會按捺不住呢?!

Ikea 到貨

尋日Ikea送貨喇! 當中有3件係佢o地安裝的:
1. 梳化床
2. 書櫃
3. 電視櫃 (冇錯, 係放o左個電視櫃o向書房!)
安裝費只係貨價的10%

自己安裝的就有6件~ 都係D矮櫃啦!

佢o地一行3個人, 用o左~10 mins搬晒D貨上樓, 再用o左~30 mins裝好晒D o野, 唔駛一個鐘, 已經走得! ... 之後, 我倆手痕, 自己裝o左一個飯廳櫃 ... 結果裝o左成粒鐘lor!!! 勁慢, 痴線!!! ... 而家仲有5件未裝, 真係有D後悔唔俾多幾百蚊!!!

Ikea Showroom

經過多日的window shopping, 早兩日 (星期一) 終於o向Ikea度買o左書房要的傢俬喇~ 聽日就會送貨同埋安裝! ... 客戶將會成為Ikea Showroom! 哈哈~~~

好期待~~~

燒烤爐

燒烤爐已經Ready! 搬到我同老豆成隻o野咁~ 攰!!!

七月十九

農曆七月十四係鬼節, 鬼門關打開五日後, 我呢隻肥鬼終於行到去投胎 ... 西曆生日都冇食蛋糕, 反而農曆有生日蛋"豬"!!!

唉~~~ 老婆真係激死我!!!

曱甴呀~~~~~~~~

因為余生星期日踢波既關係... 短短一個星期發現o左兩只飛曱甴啦!!! 尋晚余生終於忍唔到, 搞o左個硫磺陣...

其實都好肯定曱甴們應該係天台那扇門走入o黎，因為我地屋企採用密封式設計，都冇咩機會可以俾曱甴們爬到入o黎，除了天台那扇門...

唉... 希望個硫磺陣有用啦，唔係真係麻煩啦... 總之依家要keep起o的TIME用o黎打曱甴!

Fiona

Housewarming

呢兩個weekend, 攪o左3團housewarming了!
1. CUPAA開會
2. 148
3. Ex-Cathy

多謝148的麻雀台 ... housewarming陸續有來, 有排玩!!!

高清

真係死蠢, 又攪天線, 又買放大器 ... 最終咩都唔駛, 一個機頂盒就攪掂晒!

新居多事幹

新居真係好多o野攪, o岩o岩set好個5.1, 不過天線又唔係好聽話, 好多雪花! 買o左個放大器又好似冇咩幫助~ 可能係天線 (魚骨) 方向唔好掛?! 又或者係個頹o野放大器冇料到 ... 總之又係要攪啦~

房, toilet, 廚房都已經8899喇! 暫時客房做住雜物房先, 再遲D先諗傢俬喇!!! 仲差個天台未攪, 要整返個帆布帳篷同埋天台燈 ...

嘩 ... 仲有好多o野要做呢~~~

30/July新居亂相亂亂亂~~~

729入伙

新居入伙, 晨咁早起身搬屋, 係早上07:45!!! 好Pro, 只係用o左大約45 mins, 包好晒電視機, printer ... etc, 再落齊廿幾三十件貨; 未到09:00就已經入到西貢了! Unload用o左~1 hr啦, 辛苦晒D搬運師傅撐兩層樓喇!!!

晨早搬屋雖然係早起身, 不過D時間勁好用 ... 10:00 (仲早過平時weekend起身) 開下箱, 開始清潔 ... 第一時間, 搵返部吸塵機出o黎先~~~ 呢度吸下, o個度吸下, 快過掃地好多~

當然唔係咁簡單啦, 其實一早, 傢俬師傅已經入o左o黎, 床 & 廚櫃仲有好多手尾要攪, 又教埋我o地保養個廚櫃石面 ... actually, 係佢都忙足一整天!!! 而且, 呢個師傅真係勁好手功 & 心機, 幫我o地整到靚靚為止!!! 同日, Sofa 同埋 餐台送貨, 仲有電視櫃 ... Netvigator都set好了 (不過, 仲未有時間攪返好個router)! ... 基本上, 所有o野都準備好, 只係差拾o野 ... 好多箱呀, 好多清潔要做呀, 好攰呀!!!

裝修的最後兩天

原定聽日 (25/July) 完工, 唔知最後會點呢?!

最後一星期

距離要搬出第一城的時間不遠已 ... 最後一個星期, 各路英雄真係要生生性性呀!!!

地台已經99.99%完成, 只差幾個門口的地腳線~~~

- 油牆
- 裝燈裝窗簾
- 玻璃 及 廁所鏡
- 門 及 天台鐵閘
- 傢俬廚櫃
- 潔具洗手盤

已經約好師父, 打好價 及 準備好卡通箱等 ... 跟住落o黎, 最艱鉅的任務 --- 搬屋!!! 廿個箱, 到底夠唔夠用呢?!?!?!

導遊夫妻

公司有命, 帶個客 (Aoife - 有冇人識讀呢?!) 去sightseeing ... 一早入西貢, 搵老豆借車, 去尖咀接埋個客, 就直去昂平360!!! 我一直都未去過, 問題唔係怕, 只係覺得冇咩值得去~ 每程~25 mins, 係幾靚o既, 可以影下相 ... 不過, 我就覺得冇咩surprise!


上到去, 當然會睇下大佛同埋食豆腐花啦!!! 介紹o左俾個客知筷子可以用o黎做Wedding Gift, 佢就即買o左兩對俾親屬朋友, 自己都買o左一對!

下一站 - 赤柱, 開成粒鐘車, 由東涌去到香港南區, 睇o左淺水灣同埋赤柱 ... 原來, 遊客真係幾鍾意o向赤柱買o野o架wor!!! 又成功shopping!!! 出返o黎, 去一去灣仔金紫荊, 影幾張相交功課!!!

Aoife係攝影初哥, Nikon D60 + 18-55mm, 心思思想買支新Lens (因為香港平D) ... 車佢去旺角星際廣場度睇, 又成功俾佢掃o左HKD 2500!!! 老婆再帶埋去卓悅, 估唔到女人去卓悅, 真係任何時侯都可以買到o野!!! ... 勁!!!

又回到田貝

因為水喉要趕住搞, 星期日一早我地出o左去旺角快買水喉, 只需1個鐘就KO 晒2個toilet + 廚房既水喉啦!!! PERFECT! 好彩余生借o左車, 唔係就要自己拎了... 都真係好重下....

之後返o左西貢, 順便放低晒所有野加還車, 再睇下間屋既進度, 唔錯, 成屋地台ready 了, toilet 既企缸都ready 了.... 之後就出發去田貝

我很喜歡的企缸~~~ 不過係客廁的

今次mission 都好多! 有窗簾(因為有幾只料冇貨, 要再揀), 門(師傅只門貨期有問題, 所以我地自己上去搵), 兩盞燈, 同埋o的toilet 五金野, 搞o左3個鐘, 咩野都ok 晒, 仲知道o的樓梯磚可以早一日到tim!!

所有野都好perfect! 之後再返毛家食dinner~ 呢一日finish jor 好多個TASK!!!

世紀 + 田貝

因為冇咩時間喇, 要請假去攪埋少少磚同埋窗簾!!!

世紀中心, 其實同田貝差唔多, 有磚, 有雲石, 有廚櫃傢俬, 水喉窗簾燈 ... 價錢差唔多, 傢俬有D都幾靚, 客房的傢俬可以考慮呢度買o架!!! ... 燈的款式就同田貝唔係好同, 比較簡約啦!!! 不過, 都係得過行字, 睇唔o岩~~~

返去田貝四路, 再去家合居, 攪掂o左:
1. 樓梯磚
2. 窗台雲石
3. 窗簾
而家仲差: 水喉, 浴簾, 一盞燈!!!

潔具、燈飾、窗簾

星期六, 花o左六小時留o向田貝四路 ...
主客廁的洗手盤同埋坐廁買好了!!!
全屋o既燈, 已經買得8899了, 仲差兩盞 ...


星期日, 再去羅湖攪o左3個鐘, 攪窗簾, 可惜傾唔o岩價錢, 最後都係空手而回 ...

砌呀砌~ 砌磚喇!!!

泥水開o左工, 攪完防水開始砌磚 ...

開放式廚房牆身, 到時裝上廚櫃, 就會唔見晒D白色磚喇!!!

露台的紙皮石, 灰灰地, 突然覺得好有高記feel!!! 哈哈~~~

減肥的真諦

當我o向屋企開住冷氣, 食住薯片時, 突然俾我悟出幾個大道理!!!

1. Feedback
當有一日, 見到自己肥o左, 打算出去跑下步, 游下水, 諗住要減喇, 要減喇!!! ... 點知, 好辛苦! 提早做完, 返去抖下! 第二日, 諗返好真係好辛苦, 又會唔想郁住 ... 諗住呢期食少D o野, 減輕下先再做運動啦! ... 點知拖下又拖下, 只會重D又重D ...

2. 打波先o黎落雨
"打波先o黎落雨" ... 痴線, 梗係明知落雨, 先約打波啦, 搏取消丫ma! ... 萬一好天, 大大個太陽, 又曬又熱, 點玩呀?!

3. 越o黎越瘦
老公: 老婆, 我發現自己越o黎越瘦!
老婆: o下? 你compare幾時先?!
老公: 聽日!

4. 迷信
其實做運動減肥只不過係一種信念, 大人小朋友, 都唔應該太迷信!

油牆假期

呢個weekend, 唔係去油牆, 只係決定o左牆身的顏色jei!!!

早前上網, order o左D色卡, 一直都懶懶閒冇攪, 係尋日約o左師父傾埋D o野, 坐巴士出去時先正正式式睇 & 揀 ...

幾分鐘就揀好啦~ 快!

只要有deadline, 我o地做o野就可以好快!!! 呢D咪係time control做得好lor~~~ 呵呵!

隨便影

洗衣機 & 冷氣機

尋晚放工齊齊去沙田, 去o左豐擇買o左洗衣機 同埋 冷氣機喇!!!

點解去豐擇買?!
1. 因為冷氣買豐擇牌好平好抵!!!
2. 雖然比網上買貴少少, 不過可以分期付款!!!

電器 ... 齊晒喇!!!
三菱雪櫃
西門子洗衣機
豐擇冷氣機
德國寶電磁爐

蟹宴 & 老婆大餐

遲o左post, 已經係之前o既事喇!!!

蟹宴 - 2009-05-26行行下一田, 大減價, 見到皇帝蟹都幾抵, 買o左返去食!!! 皇帝蟹本身係急凍的, 拎返去解凍, 就可以食用~~~ 有好多蟹子, 勁好味!!!

老婆大餐 - 2009-06-09

難得老婆早放, 親自下廚, 又煎o野又煮麵 ... 梗係要記錄在案啦!!!

雪櫃

早前Cut o左兩張東亞卡, 點知最近o向百老匯睇中部雪櫃, 竟然用東亞卡有discount, 好抵買!!!

結果, 搵到老豆有東亞卡, 叫佢幫手買o左先!!! ... 又攪掂一樣, fit!!!

梳化餐檯

又攪掂兩樣, 星期六收工去九龍灣展貿, 買o左梳化同埋餐檯!!!

晚上, 亦都定下主人房及廚房設計, 電磁爐 & 抽油煙機都決定埋~

而家仲差:
- 電器: 冷氣機, 雪櫃, 洗衣機
- 傢俬: 電視櫃, 茶几, 鞋櫃, 儲物櫃等
- 建材: 樓梯磚, 潔具, 門

買磚日

尋日 (星期日) 再上田貝四路, 同埋歐陽 - 裝修師父 - 上去, 揀磚 & 買磚!!!
大約15:00左右去到田貝四路家合居, 先去行o左個轉, 歐陽幫手問下價, 壓下價 ... o向2樓度搵到個"傻婆" ...

歐陽問: 隻地磚咩價?! (木紋地磚)
傻婆: 8.5 (RMB)
歐陽: 嘩, 咁貴!!? 6蚊 (RMB) 就差唔多
傻婆: 6蚊唔得, 7.5啦!
歐陽: 6.5!
傻婆: 大家有誠意, 就6.8啦!
歐陽: 都話你6.5做到o架啦, 自己都由8.5減到去6.8!!!
傻婆: 好啦, 就6.5啦!

... 攪到八點幾, total o向3間度買, 18/Jun送貨到香港, 歐陽就會接住開始鋪磚!!!

興奮, 所有磚已經買好, 只係差樓梯磚, 香港攪就算喇!!!

另外, 廁所的洗手盤, 於家合居都搵到D好o野, 下次再去就係睇洗手盤同埋燈飾喇!!!

P.S. 當日大約15:30左右, 於家合居我o地撞到雞泡佢o地都o向度睇緊o野! 哈哈~~~

業主 ... 善哉!!!

尋晚上律師樓, 簽o左幾個名 ... 咁就成為o左業主喇!!!

開始要為供樓生涯努力喇~~~ 30年, 有排還呀!!!

余太的地位

尋日去馬鞍山金都飲茶, 終於測試到余太既地位啦!

一去到, 兩條友, 唔使拎飛, 一行就行入去搵個部長, 同佢講, 姓余既, 竟然又認得喎! 話咁快就有位坐啦!!!

哈哈! 望住外面仲係到等叫飛既人... 心入面係到諗, "余太" 真係強!!! 第日去金都飲茶, 記得叫埋我!!~~~

Fiona

北上裝修考察

尋日北上, 去o左堔圳睇裝修o野:

1. 田貝四路 - 家合居
見到D磚, 真係平過香港好多, 一樣款, 香港賣HKD 16.8一件, 呢度就賣RMB 6.8!!!
坐廁浴缸等, 反而覺得價錢同香港唔係差太遠, 香港都有平o野!!!
水喉就真係幾平, 又係平過香港好多, 多款!!!
估唔到, 呢度都有度尺做廚櫃, 竟然RMB 4百幾一尺?! 香港地都要HKD 1100一尺!!! 平好多wor!!!

2. 寶安北路 - 百安居 & 樂安居
百安居等於國內版的Ikea, 不過仲有好多建材, 不過就同香港差唔多價錢!!!
樂安局類似家合居咁, 不過好似造傢俬o既又多返D lor~

返屋企上網search, 北上做廚櫃, 都有D介紹, 平過香港好多, 真係有D吸引!!! 不過, 都知如果搵大陸攪, 好可能又係要自己跟餐死~ 不過, $$ wor!!! 哈哈~~~

Open Kitchen

開方式廚房, 我諗大約就係咁o既樣吧~
IKEA竟然出埋D咁o既software去害人, 攪到上o左癮o向度玩佢!!!

睇樓記

上星期五收到屋企人o既電話, 佢o地又幫手睇樓了! 講到好興奮, 又話好想即刻落訂又點又點 ... 好似仲緊張過我同埋Fiona!

咁我o地就星期六去睇, 井頭村, 二百萬, 三樓連天台 ... 開始接近我心目中o既價位!
樓齡: 80% 11年都係咁上下啦!
位置: 100% 就o向Van仔站上面, 勁近 ... 見到Van仔即刻落樓都可以趕得切上車! 朋友o黎玩攪Party都唔駛走出去接!!!
狀況: 60% 有D殘舊, 都要大裝一下~
間格: 30% 樓梯中間開開上去, 攪到個廳好細, 間格可能要大改~

平均分都有67.5%, 所以而家問下Mortage先, 如果計得掂數, 都可以考慮!!!

堔圳一日遊

星期日, 冇咩做 ... 走上大陸行下食下按下摩!!!
成日都北上, 今次忍唔住, 買o左地鐵儲值票 ... RMB 100 (RMB 30係按金, 可用RMB 70) ... 方便唔駛次次排隊買飛~~~

Lunch @ 華強路 - 老院子
Openrice見到有少少食評, 一於去試下, 食辣o野啦~








涼衣白肉 - 掛起o黎食 ... 串!
民間魚 - 水煮魚咁上下, 一盤辣油 ... 不過D魚好正wor! 爽口彈牙~
干偏四季豆 - This is always good!

之後去東門行下街, 睇下o野 ... 之後去埋個按摩 ... 爽!!!

夜晚, 去o左火炭泰源食宵~ 又係勁正呀!!!

數碼港

星期六, 參加完馬嬲的Passing Out之後, 我o地走o左入去數碼港, 去行下啦!!!

一來近, 二來我自中一搬走之後, 就冇再去過喇! 都唔知變成點, 想入去睇睇啦!

嘩 ... D路經已唔同晒, 冇咩印象 ... 見到貝沙灣 ... 正呀~~~
不過, 貴呀~~~
哼 ... 貝沙灣 ... 你等我呀!!! 我終有一天會入o黎住o架!!!

數碼港 - 去搵o野食!!! 上到去food court, 本身打算食pizza, 點知, 再行入D, 搵到間鐵板燒 ... 見冇人幫襯, 都有D擔心!!!

不過, 再睇下個menu, 只係HKD 88一個lunch set ... 都可以一試丫!!! 咁就坐低o左~~~ 就只我有o地兩個食o向度食~~~

厚切牛肉 ... 7成 ... 好好味!!!
薄切豬肉 ... 唔錯!!!
專人serve我o地, 都只係咁o既價位, 真係抵!!!

一路燒, 一路食 ... 跟進慢慢開始有人坐埋o黎食~ 我o地幫佢o地引到D客, 佢o地應該多謝我o地啦!!!