睇樓記

上星期五收到屋企人o既電話, 佢o地又幫手睇樓了! 講到好興奮, 又話好想即刻落訂又點又點 ... 好似仲緊張過我同埋Fiona!

咁我o地就星期六去睇, 井頭村, 二百萬, 三樓連天台 ... 開始接近我心目中o既價位!
樓齡: 80% 11年都係咁上下啦!
位置: 100% 就o向Van仔站上面, 勁近 ... 見到Van仔即刻落樓都可以趕得切上車! 朋友o黎玩攪Party都唔駛走出去接!!!
狀況: 60% 有D殘舊, 都要大裝一下~
間格: 30% 樓梯中間開開上去, 攪到個廳好細, 間格可能要大改~

平均分都有67.5%, 所以而家問下Mortage先, 如果計得掂數, 都可以考慮!!!