Open Kitchen

開方式廚房, 我諗大約就係咁o既樣吧~
IKEA竟然出埋D咁o既software去害人, 攪到上o左癮o向度玩佢!!!

睇樓記

上星期五收到屋企人o既電話, 佢o地又幫手睇樓了! 講到好興奮, 又話好想即刻落訂又點又點 ... 好似仲緊張過我同埋Fiona!

咁我o地就星期六去睇, 井頭村, 二百萬, 三樓連天台 ... 開始接近我心目中o既價位!
樓齡: 80% 11年都係咁上下啦!
位置: 100% 就o向Van仔站上面, 勁近 ... 見到Van仔即刻落樓都可以趕得切上車! 朋友o黎玩攪Party都唔駛走出去接!!!
狀況: 60% 有D殘舊, 都要大裝一下~
間格: 30% 樓梯中間開開上去, 攪到個廳好細, 間格可能要大改~

平均分都有67.5%, 所以而家問下Mortage先, 如果計得掂數, 都可以考慮!!!

堔圳一日遊

星期日, 冇咩做 ... 走上大陸行下食下按下摩!!!
成日都北上, 今次忍唔住, 買o左地鐵儲值票 ... RMB 100 (RMB 30係按金, 可用RMB 70) ... 方便唔駛次次排隊買飛~~~

Lunch @ 華強路 - 老院子
Openrice見到有少少食評, 一於去試下, 食辣o野啦~








涼衣白肉 - 掛起o黎食 ... 串!
民間魚 - 水煮魚咁上下, 一盤辣油 ... 不過D魚好正wor! 爽口彈牙~
干偏四季豆 - This is always good!

之後去東門行下街, 睇下o野 ... 之後去埋個按摩 ... 爽!!!

夜晚, 去o左火炭泰源食宵~ 又係勁正呀!!!

數碼港

星期六, 參加完馬嬲的Passing Out之後, 我o地走o左入去數碼港, 去行下啦!!!

一來近, 二來我自中一搬走之後, 就冇再去過喇! 都唔知變成點, 想入去睇睇啦!

嘩 ... D路經已唔同晒, 冇咩印象 ... 見到貝沙灣 ... 正呀~~~
不過, 貴呀~~~
哼 ... 貝沙灣 ... 你等我呀!!! 我終有一天會入o黎住o架!!!

數碼港 - 去搵o野食!!! 上到去food court, 本身打算食pizza, 點知, 再行入D, 搵到間鐵板燒 ... 見冇人幫襯, 都有D擔心!!!

不過, 再睇下個menu, 只係HKD 88一個lunch set ... 都可以一試丫!!! 咁就坐低o左~~~ 就只我有o地兩個食o向度食~~~

厚切牛肉 ... 7成 ... 好好味!!!
薄切豬肉 ... 唔錯!!!
專人serve我o地, 都只係咁o既價位, 真係抵!!!

一路燒, 一路食 ... 跟進慢慢開始有人坐埋o黎食~ 我o地幫佢o地引到D客, 佢o地應該多謝我o地啦!!!

Family BBQ @ 井頭村

好耐都冇o向西貢BBQ喇!!! 上星期日輝哥哥同佢太太澳洲返o黎, 放假返o黎玩, 咪聚一聚lor~~~

已經唔新o既新BBQ爐, 我第一次用ja!!!

為食Creamy (四舅父隻狗仔) ... 不過, 又好聽話, 齋睇唔搶wor!!!

勁白痴, 我影合照set到影埋前面部相機!!!

玩具日

深水步, 福榮街係勁多玩具鋪o架!!!
出得去行, 梗係要睇下啦!!!

今次就買o左兩部車 ...

一部係警車

一部係消防車

勁細部!!!

hehe~ 幾得意, 幾好玩丫!!!

太鼓

本來今日打算出深水步, 買槍o野 ... 點知, 冇開wor!!! 好失望, 咁走去睇下Wii o野啦~

去到鋪頭, 老細問: 想要D咩呀? 有咩幫到你?!
心諗: 冇o架, 槍鋪冇開, 冇o野做, 無聊行下jei!!!
不過, 都要答: hm~~~
(神來之筆) ... 問: 呀~ 太鼓咩價位呀? 齋鼓only!
老細答: 呀~ o岩o岩先返o左兩部, HKD 150!
同時, 一個女店員已經走入去拎貨!!!

一睇, 原來Wii太鼓, 終於有代用版o既太鼓喇!!! ... 老婆勁開心, 即買!!!

而家, 玩緊啦~ 都唔明, 老婆就係咁過關, 我就玩極都唔夠分!!!

老婆頭先講: 你可以玩返Call Of Duty o架wor!!! (well~ 冇癮 ~.~)